لحظة حنان
يا صاحبي اتعرفت من فترة على ثنتين..........وما ادري صراحة شلون أوصف اللي صار
الاوله تأسرك رقة وعذوبة ولين.......من خدها يا ولد حتى الورود تغار
يا دوب ترمش بجفن ناعس مسكين.........بوح النسايم يعذبها ليا من ثار
شبهتها بالقمر يا وين هو وهي وين..لا لا تقارن ولا تتعب ولا تحتار
بياضها يبهج الخاطر ويشفي العين .....ما لومها لو تسمت فتنة الأنظار
والثانية عكسها سمرا ومن الحلوين...وجنبها في الحلا كل البنات قصار
تحيي قلوب اللي ماتوا وتذبح الحيين......كالشمس متوهجة تملا لفضا بأنوار
جريئة في طبعها مرحة وقوية عين...لو بشرح أوصافها يا مطول المشوار
يا سعده اللي اجتمع له فتنة اللونين...على يساره ليل وفي اليمين نهار
يا ليلة أذهلتني بين الضدين........فيهم تقلب فؤادي بين بارد حار
موضوع: لحظة حنان 
الأحد فبراير 28, 2010 12:41 pm
