قصة وقعة لي شخصياً

بسم الله الرحمن الرحيم

ولدت في جده كنت ساكن في حي النهضة عشت مع شباب الحاره وشباب الدراسه طبعاً كنت أدرس الصف الأول الإبتدائي الفصل الأول بس في مدرسة العون بن حارثه وبعدين نقلت الى مدرسة السيوطي ودرست فيها الصف الأول والثاني والثالث الإبتدائية لكن الصف الثالث في الفصل الثاني نقلت ورحت مدرسة مجمع الأمير محمد بن سعود الكبير كان اسمها مدرسة المدائن والثانوية كان لها اسم ثاني والسنه الى بعدها صارت اسم واحد بمجمع الأمير محمد بن سعود الكبير المهم وصلت لمرحلة سادسه الإبتدائية وجانا طالب جديد في نفس الفصل اسمه حامد عرفه, أول أسبوع كان عادي بالنسبة لياً ورابع أسبوع صرناُ أصحاب خلصنا سادسه ورحنا المتوسط برضوا في نفس المجمع ودرسنا الصف الأول متوسط في نفس الفصل والثاني متوسط كان هو في فصل وأنا في فصل ثاني بس كنا ننزل الفسحه سوا ونجلس سوا وثالثه متوسط رجعنا نفس الفصل ورحنا الثانوية في الصف الأول برضوا هو في فصل وأنا في فصل ثاني ونفس الطريقه بالنسبة للفسحه والصف الثاني رجعنا نفس الفصل وخلصنا الأختبارات في يوم 5/6/1428هــ ورجعت البيت ولقيت أهلي ينقلو العفش سألتهم فين رائحين؟؟ قالوا: مكة, المهم رحت مكه ودرست الصف الثالث الثانوي في مكه مدرسة الملك فيصل الثانوية واتخرجت وقدمت في جامعة جده ومكه والطائف والشرقيه وما قبلتني الى كلية المجتمع في مكه طبعاً دراسه عادية تابعة لجامعه أم القري بس دراسه دبلومات وحامد نفس الشئ ماقبلتوا الى كلية المجتمع الا في مكه معايا ودرسنا الترم الأول في الكلية بالنسبة ليا كنت قبله ساكن في مكه وأعرف أشياء ومناطق كثير في مكه فاكنت اعرف حامد عليها, ويوم
1/6/1430هـ كانت عندي محاضرات من الساعة 8ص إلى 11ص وكانت عندي شغله في جده فنزلت جده وقبل السعودي الياباني جاتني غفوه في الطريق وكنت مسرع على الخط اليسار بحدود 130 المهم اتجهت السياره الى اليمن وصحيت وانا قدامي سياره اذا خبطها ممكن ينقلب الرجال فقلت الف الدركسون لليمين وبدات تحوس عليا السياره الين لما وصلت للتراب وهيا تحوص سبحان الله كان وقت الحادث الساعة 12 الظهر وما كان الخط زحمه طبعاً اتجهت السياره الا اقصى اليمين يعنى لو كانت في سيارت لكانت قلبتني ولو في شاحنات لكانت فرمتني وكمان لما وصلت للتراب سبحان الله كان الخط والترام متساوي ماكان الخط مرتفع والتراب منخفض كل الي صار انو الكفرات انفكت بس ويوم 2/6/1430هـ توفى حامد وهو نازل جده في العصر بحادث سياره

أدعوا انو الله يغفرله ويرحمه وإنشاء الله نتقابل في الجنه...

اولا / الحمد لله على سلامتك

ثانيا /المفروض وانت نازل جدة وحسيت انك تعبان المفروض انك تستريح ومثل ماقالوا كل مطرود ملحوق .

رحم الله صديقك حامد رحمة واسعه واسكنه فسيح جناته

وتقل مروري